Тимур Айтмұханбет - Азаттықтың Нұр-Сұлтандағы журналисі, видео операторы.
Әлеуметтік көмекші Алмагүл Оразалина мен мүгедек арбасына таңылған Анна Вервейннің астанадағы өмірі. Олар мүмкіндігі шектеулі жандарға тіпті мемлекеттің орталық қаласында қолайлы жағдай жасалмағанын айтады.
Әлеуметтік көмекші Алмагүл Оразалина мүгедек арбасына таңылған Анна Вервейнге алты жылдан бері көмектесіп келеді. Олар мүмкіндігі шектеулі жандарға астананың өзінде қолайлы жағдай жасалмағанын айтады.
6 шілде Нұрсұлтан Назарбаевтың туған күні қарсаңында Қазақстан билігі оған тағы екі ескерткіш сыйлады. Біреуін астанаға, біреуін Түркістан қаласына орнатты. Бірақ Назарбаевтың өзі "тірі кезінде ескерткіш қойылғанын қаламайтынын" айтқан.
"Қазақстанда соңғы кезде азық-түліктің күрт қымбаттап жатқаны халықтың наразылығын күшейтеді" дейді әлеуметтанушы. Ал экономист сөзінше, тұрғындары табысының жартысынан көбін тамаққа жұмсайтын ел кедейшілік алдында тұр.
14 маусымда Нұр-Сұлтанда бір топ белсенді "экстремистік ұйымның жұмысына араласты" деп айыпталғандарға араша сұрап, АҚШ елшілігіне барды.
Қазақстанда сот шешімдеріне разы болмай, Ақорда, парламент үйлері алдына келіп, жиі наразылық білдіріп жүрген тұрғындар арыз-шағымдарын АҚШ елшілігіне барып айтты. Заңгердің сөзінше, судьялар халықтың алдына шығып, әр үкімін жан-жақты түсіндірмей бұндай наразылық тоқтамайды.
Қазақстанда азық-түлік қымбат. Ауладағы тұрғындардың да, әлеуметтік желідегі жұрттың да айтатын әңгімесі – осы. Дүкен иесі "қарыз дәптерінің" қалыңдап бара жатқанын айтады.
Бүгін, 9 маусымда Қасым-Жомарт Тоқаевтың президент болып сайланғанына екі жыл толды. Депутаттардан "Тоқаев саясатының екі жылдағы кемшілігі мен жетістігі қандай?" деп сұрадық.
Қазақстанда азық-түлік тағы қымбаттады. Әсіресе көкөніс бағасының өте жоғары екені байқалады. Былтырдан бері кейбір өнім екі есе қымбаттаған.
Қазақстанда халықты коронавирусқа қарсы вакцина салуға шақыратын, Covid төңірегінде түрлі кеңес беретін Medsupport еріктілер жобасы Қазақстан вирусологтары дайындап жатқан Qaz-Covid-in екпесіне күмәндана қарайды. Ғалымдар мен дәрігерлер екпе құрамындағы кейбір қоспаға күдіктенеді.
Қазақстанның бірнеше қаласында жүк көлігі жүргізушілерінің жолды ақылы жасауға наразылық танытып отырғанына төртінші күн. Олар жол ақылы болса күнкөрісі қиындайтынын айтады. Ал министр автомобиль жолын ақылы жасау әлемде бар қалыпты жағдай деген уәж айтады.
Мәжіліс депутаттары кейінгі аптада әр өңірде ақылы жолға наразылық білдіріп жатқан жүргізушілердің талабын қолдады. Олар жүргізушілер бұл бастамаға қарсылық білдіріп бас көтергеннен кейін ғана жолдардан ақы табуды көздеген үкімет бастамасын сынға алды.
Түркістан облысында тұратын көп балалы екі шаңырақ Нұр-Сұлтанға келіп, Ресей елшілігінен азаматтық сұрады. Айтуларынша, Қазақстан билігі оларға әлеуметтік тұрғыда көмектеспеген, баспана бермеген, жұмыс та ұсынбаған.
Нұр-Сұлтандағы проблемалық тұрғын үй үлескерлері өздерінің пайын мойындап, кооперативке мүше етіп алуды, пәтер кілттерін беруді талап етіп президент әкімшілігіне тағы келді.
Алматыда дайын тамақ пен азық-түлікті тапсырған жерге дейін жеткізіп берумен айналысатын куреьер компанияның жұмысшылары бір аптадан бері айлықтың азайып қалғанын айтып, наразылық білдіріп жүр.
Президент Қасым-Жомарт Тоқаев бұған дейін парламенттің қос палатасы мақұлдаған «Жер қатынастары туралы заңға» қол қойды. Құжатқа сәйкес, жер шетелдіктерге сатылмайды, жалға да берілмейді. Бірақ Қазақстан азаматтарына жер сату мәселесіне нүкте қойылмады. Бұған парламент депутаттарының пікірі қандай?
Грузияға жұмыс істеуге барып, белгісіз жағдайда қаза болған Қазақстан азаматы Әсел Айтпаеваның сүйегі Нұр-Сұлтанға жеткізілді. Қылмыстық іс қозғап, тергеп жатқан грузин полициясы мен Қазақстанның сыртқы істер министрлігі "Айтпаева суицид жасаған" дейді. Марқұмның туыстары бұған сенбейді.
Шығыс Қазақстан облысы Риддер қаласы маңындағы орманды өртеді деген күдікпен бір адам ұсталғаны хабарланды. Өрттен бір адам қаза тапты, екі тұрғынды күйік шалды. Лесхоз кентінде 37 үй жанып кетті.
Нұр-Сұлтанда 5 мамырдан бастап халыққа Қытай вакцинасы егіле бастады. Бірақ емханаға келгендердің көбі оны емес, Ресейдің "Спутник V" екпесін алуға бейіл. Қазақстан Қытай дайындап, БАӘ елінде өндірген Hayat Vax екпесінің 1 млн дозасын сәуірде алған.
Қазақстан президенті Тоқаевтың тапсырмасымен дайындалып, мәжіліс бір ай қарап мақұлдап, сенат бір отырыста қайта өзгерткен Жер қатынастары туралы заң жобасы Тоқаевтың өзіне кетті.
Тағы
