Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.
"Жас Алаш" газетінде жұмыс істеген.
Азаттықпен 2012 жылдан бері әріптес.
Жаңаөзен мен Ақтауда сұйылтылған газды арзандатуды талап еткен наразы жұрт өткен түнді алаңда өткізді. Президент Қасым-Жомарт Тоқаев үкіметке тапсырма бергенін жазды. Жаңаөзендіктерді елдің өзге өңірлерінде азаматтар қолдады. Дүйсенбіде үкімет Маңғыстау өңірінде газ арзандайтынын хабарлады.
Құқық қорғаушылар "Шымкентте ҰҚК тергеу изоляторында жатқан белсенді Ерұлан Әміров суицид жасамақ болды" деп мәлімдеді. Мұны Әміровтің анасы да қуаттап отыр. Бірақ комитет ақапартты жоққа шығарады.
Шымкентте жедел жәрдемнің 70 шақты жүргізушісі жалақы өсіруді талап етіп, денсаулық министрлігінен көмек сұрады. Орта есеппен 72 мың теңге жалақымыз кемі 150 мың теңгеге көтерілсін дейді жүргізушілер. Бірақ бас дәрігер, қалалық басқарма басшысы бұған негіз жоқ деп отыр.
Шымкент полициясындағы тергеу кезінде жұмбақ жағдайда қаза тапқан марқұм жігіттің әкесі «ұлымды ұрып өлтірген» дейді. Бүгін ол мәйітханаға кіріп, баласының денесін көріп шықты. 8 желтоқсанда күндіз «көлік ұрлады» деп ұсталған күдікті бірнеше сағаттан соң қаза болған.
22 қараша күні Алматыдағы көп қабатты үйлердің бірінен «үш баласын лақтырып, соңынан өзі секірді делінген» әйелдің денесін туыстары Түркістан облысына алып кетті. Марқұмның жақындары "бұған тұрмыстық жанжал себеп болды" деген болжамға күдікпен қарайды.
Сарыағаш ауданының малшылары малын аман алып қалу үшін жүз километр жердегі Көксарай су қоймасының аумағында тұрып жатыр. Ен далада байланыс та, жарық та, ішетін су да жоқ. «Қиналсақ та отбасының бар табысы, күнкөріс көзі – малды аман алып қалу керек» дейді шаруалар.
Азаттықтың үш өңірдегі тілшілері қаланың орталық көшелерін аралап, жұрттың қымбатшылық туралы ойын білді. Сұхбат берген адамның көбі үкіметтен ахуалды реттеуді сұрайды, кейбірі бағаның өсуіне үйреніп, үкімет көмегінен күдер үзген. Әріптестерім «қымбатшылық отбасыңызға қалай әсер етті?» деп сұрады.
Түркістан облысы Сарыағаш ауданы Әлімтау ауылы халқы қуаңшылық зардабын әлі тартып отыр. Шаруалар жайылым іздеп, ондаған мың малды көрші ауылға айдауға мәжбүр. Ауылда қолдағы малдың кейбірі көтерем болса, кейбірі өліп жатыр. Жем-шөптен қысылып отырған халыққа алда келе жатқан қыс уайым.
Түркістан облысында жеке меншік балабақша иелері білім министрінің қаулысына сай ақша төленуін талап етіп, наразылық білдірді.
Алматының Алмалы аудандық соты саяси өзгеріс талап еткен 13 белсендіге үкім шығарды. Олардың төртеуін 5 жылға бас бостандығынан айырды. Қалған 9-ы шартты жаза алды. Жазаланғандар мен олардың қолдаушылары үкіммен келіспейді.
Алматыдағы Алмалы аудандық сотында былтырдан бері "тыйым салынған ұйымды құрды және оның ісіне араласты" деп айыпталып отырған 13 белсендіге үкім оқылды. Судья 4 белсендіні 5 жылға бас бостандығынан айырды, 9 белсендінің бас бостандығын 1 жылдан 2 жылға дейін шектеді.
Алматыда өтіп жатқан сотта прокурор "тыйым салынған ұйым қызметіне қатысты" деп айыпталған 13 азаматтық белсендінің бәрін жазалауды, соның ішінде төртеуін 5 жылға еркіндігінен айыруды сұрады. Белсенділер билікке бейбіт түрде талап айтқанына бола тағылған айыпты мойындамайтынын мәлімдеді.
Қазақстанда халықаралық жолдардың ақылы болуына қарсылық білдіріп жүрген белсендіні полиция 28 қыркүйек күні ұстап, 15 күнге қамады. Оны босатуды талап еткен жақтастарының бірнешеуін ұстап әкеткен. Белсенділердің сөзінше, олар 30 қыркүйекте ақылы жолға, мәжбүрлі вакцианаға қарсы наразылық өткізбек болған.
Қазақстанда тұрмыстағы зорлық-зомбылық азаймай тұр. Ішкі істер министрлігі дерегінше, 2020 жылы тұрмыстағы зорлық 4,7 пайызға өскен, яғни былтыр ондай зорлық-зомбылық бойынша 1071 қылмыстық іс тіркелген. Зардап шеккендердің басым бөлігі – әйелдер мен балалар. Тұрмыста қорлық көрген әйелдер мен балалардың біразы дағдарыс орталығы мен оңалту орнынан көмек іздейді. Қорлыққа төзіп жүре беретіндері де бар. Шымкенттегі "Көмек" зорлық-зомбылық көрген әйелдерге арналған орталыққа барып жүрген бірнеше адам Азаттық тілшісіне бастан өткен қиындықты айтып берді.
Түркістан облысында қуаңшылық салдарынан қымбаттаған жем-шөпті алуға шамасы жетпеген шаруа қолдағы малын азайтуға мәжбүр екенін айтады. Жұрт мал бағасы түсіп кеткеніне шағынады. Азаттық тілшісі өңірдегі ең ірі мал базары орналасқан Сайрам ауданына барып қайтты.
Тағы
