1 наурызға қараған түні Ресей әскері Украинаға соққы дрондарымен тағы шабуылдады. Бұл жөнінде Украина аймағының билігі хабарлады.
Одесса облысында дрондардың шабуылы салдарынан бір адам қаза болып, тағы бір адам зардап шекті деп жазды облыстық әкімшіліктің жетекшісі Олег Кипер. Оның сөзінше, Одессадағы тағы бір аудан соққыға ұшыраған: ол жақта бір жеке үй, кәсіпорын мен жүк-жеңіл көліктері өртенген,
Харьковте дрон шабуылынан алты адам зардап шеккен: ауруханада шағылған әйнек бір баланы жарақаттаған. Оқиға орнында тағы бес адамға көмек көрсетілді деді аймақ әкімшілігінің жетекшісі Олег Синегубов. Кейін Харьков мэрі Игорь Терехов зардап шеккендер жеті адамға жеткенін айтты.
Шенеуніктердің сөзінше, Ресей әскері Харьковтегі азаматтық инфрақұрылымдарға 9 дрон жіберген – біреуі жанармай станциясы маңында, тағы бірі медициналық мекеме аумағына құлаған. Мекеме өртеніп, ол жақтан 60 адам эвакуацияланған. Бұдан бөлек, көп қабатты тұрғын үйлердің терезелері сынып, автосалон мен гипермаркет бүлінген.
Ресей қорғаныс министрлігі соққыға түсініктеме бермеді.
- БҰҰ дерегі бойынша, Ресей Украинаға қарсы кең ауқымды басқыншылық бастаған 2022 жылдың 24 ақпанынан бері жиынтығы 12,4 мыңнан астам бейбіт тұрғын қаза тапқан, әйткенмен бұл әлі толық дерек емес. 28,3 адам жараланған. БҰҰ сонымен бірге Ресей әскерінің түрлі қылмыстарын (дарға асу, адам ұрлау, азаптау, дөрекі қатынас, күштеп ұстау) құжатқа түсірген.